श्री -कृष्ण -चालीसा - Sri -Krishna -Chalisa

श्री कृष्ण चालीसा

॥दोहा॥

बंशी शोभित कर मधुर, नील जलद तन श्याम।

अरुण अधर जनु बिम्बा फल, नयन कमल अभिराम॥

पूर्ण इन्द्र, अरविन्द मुख, पिताम्बर शुभ साज।

जय मनमोहन मदन छवि, कृष्णचन्द्र महाराज॥

॥चौपाई॥

जय यदुनन्दन जय जगवन्दन। जय वसुदेव देवकी नन्दन॥

जय यशुदा सुत नन्द दुलारे। जय प्रभु भक्तन के दृग तारे॥

जय नट-नागर नाग नथैया। कृष्ण कन्हैया धेनु चरैया॥

पुनि नख पर प्रभु गिरिवर धारो। आओ दीनन कष्ट निवारो॥

वंशी मधुर अधर धरी तेरी। होवे पूर्ण मनोरथ मेरो॥

आओ हरि पुनि माखन चाखो। आज लाज भारत की राखो॥

गोल कपोल, चिबुक अरुणारे। मृदु मुस्कान मोहिनी डारे॥

रंजित राजिव नयन विशाला। मोर मुकुट वैजयंती माला॥

कुण्डल श्रवण पीतपट आछे। कटि किंकणी काछन काछे॥

नील जलज सुन्दर तनु सोहे। छवि लखि, सुर नर मुनिमन मोहे॥

मस्तक तिलक, अलक घुंघराले। आओ कृष्ण बांसुरी वाले॥

करि पय पान, पुतनहि तारयो। अका बका कागासुर मारयो॥

मधुवन जलत अग्नि जब ज्वाला। भै शीतल, लखितहिं नन्दलाला॥

सुरपति जब ब्रज चढ़यो रिसाई। मसूर धार वारि वर्षाई॥

लगत-लगत ब्रज चहन बहायो। गोवर्धन नखधारि बचायो॥

लखि यसुदा मन भ्रम अधिकाई। मुख महं चौदह भुवन दिखाई॥

दुष्ट कंस अति उधम मचायो। कोटि कमल जब फूल मंगायो॥

नाथि कालियहिं तब तुम लीन्हें। चरणचिन्ह दै निर्भय किन्हें॥

करि गोपिन संग रास विलासा। सबकी पूरण करी अभिलाषा॥

केतिक महा असुर संहारयो। कंसहि केस पकड़ि दै मारयो॥

मात-पिता की बन्दि छुड़ाई। उग्रसेन कहं राज दिलाई॥

महि से मृतक छहों सुत लायो। मातु देवकी शोक मिटायो॥

भौमासुर मुर दैत्य संहारी। लाये षट दश सहसकुमारी॥

दै भिन्हीं तृण चीर सहारा। जरासिंधु राक्षस कहं मारा॥

असुर बकासुर आदिक मारयो। भक्तन के तब कष्ट निवारियो॥

दीन सुदामा के दुःख टारयो। तंदुल तीन मूंठ मुख डारयो॥

प्रेम के साग विदुर घर मांगे। दुर्योधन के मेवा त्यागे॥

लखि प्रेम की महिमा भारी। ऐसे श्याम दीन हितकारी॥

भारत के पारथ रथ हांके। लिए चक्र कर नहिं बल ताके॥

निज गीता के ज्ञान सुनाये। भक्तन ह्रदय सुधा वर्षाये॥

मीरा थी ऐसी मतवाली। विष पी गई बजाकर ताली॥

राना भेजा सांप पिटारी। शालिग्राम बने बनवारी॥

निज माया तुम विधिहिं दिखायो। उर ते संशय सकल मिटायो॥

तब शत निन्दा करी तत्काला। जीवन मुक्त भयो शिशुपाला॥

जबहिं द्रौपदी टेर लगाई। दीनानाथ लाज अब जाई॥

तुरतहिं वसन बने ननन्दलाला। बढ़े चीर भै अरि मुँह काला॥

अस नाथ के नाथ कन्हैया। डूबत भंवर बचावत नैया॥

सुन्दरदास आस उर धारी। दयादृष्टि कीजै बनवारी॥

नाथ सकल मम कुमति निवारो। क्षमहु बेगि अपराध हमारो॥

खोलो पट अब दर्शन दीजै। बोलो कृष्ण कन्हैया की जै॥

॥दोहा॥

यह चालीसा कृष्ण का, पाठ करै उर धारि।

अष्ट सिद्धि नवनिधि फल, लहै पदारथ चारि॥

shree krshn chaaleesa

.doha.

banshee shobhit kar madhur, neel jalad tan shyaam.

arun adhar janu bimba phal, nayan kamal abhiraam.

poorn indr, aravind mukh, pitaambar shubh saaj.

jay manamohan madan chhavi, krshnachandr mahaaraaj.

.chaupaee.

jay yadunandan jay jagavandan. jay vasudev devakee nandan.

jay yashuda sut nand dulaare. jay prabhu bhaktan ke drg taare.

jay nat-naagar naag nathaiya. krshn kanhaiya dhenu charaiya.

puni nakh par prabhu girivar dhaaro. aao deenan kasht nivaaro.

vanshee madhur adhar dharee teree. hove poorn manorath mero.

aao hari puni maakhan chaakho. aaj laaj bhaarat kee raakho.

gol kapol, chibuk arunaare. mrdu muskaan mohinee daare.

ranjit raajiv nayan vishaala. mor mukut vaijayantee maala.

kundal shravan peetapat aachhe. kati kinkanee kaachhan kaachhe.

neel jalaj sundar tanu sohe. chhavi lakhi, sur nar muniman mohe.

mastak tilak, alak ghungharaale. aao krshn baansuree vaale.

kari pay paan, putanahi taarayo. aka baka kaagaasur maarayo.

madhuvan jalat agni jab jvaala. bhai sheetal, lakhitahin nandalaala.

surapati jab braj chadhayo risaee. masoor dhaar vaari varshaee.

lagat-lagat braj chahan bahaayo. govardhan nakhadhaari bachaayo.

lakhi yasuda man bhram adhikaee. mukh mahan chaudah bhuvan dikhaee.

dusht kans ati udham machaayo. koti kamal jab phool mangaayo.

naathi kaaliyahin tab tum leenhen. charanachinh dai nirbhay kinhen.

kari gopin sang raas vilaasa. sabakee pooran karee abhilaasha.

ketik maha asur sanhaarayo. kansahi kes pakadi dai maarayo.

maat-pita kee bandi chhudaee. ugrasen kahan raaj dilaee.

mahi se mrtak chhahon sut laayo. maatu devakee shok mitaayo.

bhaumaasur mur daity sanhaaree. laaye shat dash sahasakumaaree.

dai bhinheen trn cheer sahaara. jaraasindhu raakshas kahan maara.

asur bakaasur aadik maarayo. bhaktan ke tab kasht nivaariyo.

deen sudaama ke duhkh taarayo. tandul teen moonth mukh daarayo.

prem ke saag vidur ghar maange. duryodhan ke meva tyaage.

lakhi prem kee mahima bhaaree. aise shyaam deen hitakaaree.

bhaarat ke paarath rath haanke. lie chakr kar nahin bal taake.

nij geeta ke gyaan sunaaye. bhaktan hraday sudha varshaaye.

meera thee aisee matavaalee. vish pee gaee bajaakar taalee.

raana bheja saamp pitaaree. shaaligraam bane banavaaree.

nij maaya tum vidhihin dikhaayo. ur te sanshay sakal mitaayo.

tab shat ninda karee tatkaala. jeevan mukt bhayo shishupaala.

jabahin draupadee ter lagaee. deenaanaath laaj ab jaee.

turatahin vasan bane nanandalaala. badhe cheer bhai ari munh kaala.

as naath ke naath kanhaiya. doobat bhanvar bachaavat naiya.

sundaradaas aas ur dhaaree. dayaadrshti keejai banavaaree.

naath sakal mam kumati nivaaro. kshamahu begi aparaadh hamaaro.

kholo pat ab darshan deejai. bolo krshn kanhaiya kee jai.

.doha.

yah chaaleesa krshn ka, paath karai ur dhaari.

asht siddhi navanidhi phal, lahai padaarath chaari